الخميس، 20 نوفمبر 2014

يا ساكنة فى الدور الاول

يا ساكنة فى الدور الاول

أنت يابت ياللى ساكنة فى الدور الأول
أنا عينى جت عليكى اول عن لاول
جمالك يابت بيحلو عن الأول
يارتنى يا بت أكون أنا الأول
برمى شباكى عليكى ولا أجدعها بلطية
دانا خايف عليك من الواد
محمود وحمدى وعطية
يا بت دى نظره وضحكه منك تكفينى
أطمن بيها قلبى وعقلى وسنينى
قلبى تعب والله من كتر توهانى
بسرح فيك وعنيكى ديما شغلانى
نفسى اقولك حاجات كتير بتجرى فى كيانى
آجى اقولك الاقى ... أمك قدامى
يا ساكنة فى الدور الأول
 ****
انت يابت ياللى ساكنة فى الدور الأول
دانت فى قلبى يابت رايحة وراجعه
طالعه ونازله سلالم البيت وكأنك
لا شايفه حد قدامك يا بت ولا سامعه
شايله غسيلك وقال ايه يتنشر
دا سطوح البيت مفهوش ولا منشر
اراقب خطاها والكعب ياه بيطرقع
دقه فى قلبى ودقه عالمطلع
سطوح بيتنا يا ناس محظوظ وبقى جنه
نفسى اعمل فيه الفرح وقبله الحنه
أطلع وراها اتسحب يمكن أقول كلمة
أبرد بيها قلبى وأعرفها بغرامى
الوش جه فى الوش وعنيها ... آآآآه يانى
 ****
كان نفسى أقولك حاجات كتير بتجرى فى كيانى
جيت أقولك لقيت ... أمك بردو قدامى
يا ساكنه فى الدور الاول                                                                     

بقلم                MASTER

Mohamed Ashri 
Feb 2008 

هناك 6 تعليقات:

  1. كل يوم بنكتشف حاجة جديدة في صاحب الجميزة، حلوة اووي بجد حضرتك متعدد المواهب،

    ردحذف
  2. مش مواهب قوى يعنى .. دى حالات مفاجئة ..
    نورت الجميزة صديقى العزيز تركيب ..

    ردحذف
  3. أيه الحاجات الجميلة دى ؟
    جميلة اوووووووى

    ردحذف
  4. أنا ساكنة فى
    الدور التانى
    على فكرة :)

    ردحذف
  5. د. نور فى المدونة .. يادى الهنا يادى الهنا ..
    اول زيارة لك هنا دكتور نور .. بجد أسعدتنى ..يا الف مرحب بك واتمنى المداومة ..

    ردحذف
  6. آه على فكرة ... اعرف مقاول ممكن يسحب الدور التحتانى ..

    ردحذف

back to top