رايحة فين يا رصاصة
ليه دايما اتجاهاتك للعلالى
ليه متروحيش على صدر العدو
ليه لما نودع شهيدنا
نفتخر بكتر السلاح
ونشهره ونلوح بيه للملاح
اتعلم ازاى تمسك سلاحك
مش للسما دايما نشانك
نشن على صدر الكلاب
احمى بيتك
احمى غيطك
احمى الزيتونة
متنشنش عالسراب
منفرحش باتنين تلاته
من صواريخنا الصغار
يروحو على حته فاضية
ويهيجوا شوية غبار
وهم يقولوا تمام
جاتنا فرصة للدمار
نضرب ونقتل
والدنيا تشهد اننا
بنحمى امننا والصغار
يا اخونا اصحى
بأيدك رصاصة حافظ عليها
مش فى الهوا راح ترميها
ازرعها فى قلب عدوك
تتحصد رعب وفرار
Mohamed Ashri
يا اخونا اصحى
ردحذفبأيدك رصاصة حافظ عليها
مش فى الهوا راح ترميها
ازرعها فى قلب عدوك
تتحصد رعب وفرار
كلامك صح جدا يامحمد
وكما قيل ايضا (قدّر لرجلك قبل الخطو موضعها )
فالقتال له اصوله واستعداداته
فلنعد العدة دائما ونتوكل على الله موقنين بنصره ..
احييك على كلماتك الصادقة ...
بدر
ردحذفوالله يا سيدتى
احزن على كل رصاصة تذهب سدى
لما لا نقرأ ان اسرائيلى قتل برصاص القناصة الفلسطينية بشتى فرقهم
شكرا بدى على تفاعلك
عندك حق في كل كلمة
ردحذفتسلم ايدك يارب
السلام عليكم و رحمة الله و بركاته
ردحذفجميلة المعاني يا عمي و صادقة الكلمات
و يمكن يا عمي يكونوا فعلا القنّاصة بيقتلوا اسرائيليين لكن اليهود بيكتموا الخبر
في كل الحالات حال بلادنا الغير محتلة أسوأ بكتير من حال بلادنا المحتلة
فين رجال مصر و الجيش اللي مصر بتدفع لهم أغلى الخدمات ؟
فين الإسلام في مصر أساسا؟
مش المفروض ده مصدر التشريع الأول؟
لا حول و لا قوة الا بالله
عمي اغلب احوالنا تحرق الدم
&&
صباح الخير عمي محمد ماما أمل ماما بدر
أمل
ردحذفشكرا لك مرورك
تسلمى
كيكو
ردحذفوعليكم السلام ورحمة الله
حبيب قلبى .. انا هنا مش بناقش احوال الجيش او احوال مصر
انا صعبان عليا الرصاصة تروح هدر
وليه كمان نحمل مصر اى اخطاء وليه نكون وحدنا فى وش المدفع .. فين باقى المسلمين .. فين واجبهم للدفاع عن اى مسلم
كلمة فى الاخر اذا اسرائيل كتمت الخبر مسيرة يتعرف ونحن فى انتظار اى خبر مفرح .. امين
احمى بيتك
ردحذفاحمى غيطك
احمى الزيتونة
متنشنش عالسراب
===================
يارب يارب يا أخي نبقى يدا واحدا نضرب بيها العدو مش نضرب بيها بعضنا
كلمات
ردحذفانفعلت مع الفيديو خاصتك فى الفيس بوك فكتبت كلماتى
شكرا لك
وان شاء الله ربنا يحقق امانينا