الثلاثاء، 2 نوفمبر، 2010

الباشا





محدش فيك يا بلد شبعان

الا القطط والكلاب

اكوام زباله زادت

للرقاب



والباشا يقول

ان الزباله

دى علامة

للغنى والثرا



معقول ثرا



والكلب والغلبان

بيتخانقوا

على لقمة عيش فى الاكوام



لا لا لا



خلينى فقير

بلاش اكون نايم

فى سرير من حرير

وبلاش اكون باكل

بمعالق من دهب ومن زفير



خلينى احس بس انى انسان



عزمك يا باشا على عشوة

ويايا

كسرة وحته جبن

من كيس اسود يسم الجن



انفض ترابها وقربها

لحنكك





كل ياباشا

متنكسفش

خلى نفسك كريمة

ومتتقرفش



ده عشا الستين

اللى فى المية من الستة وتمانين



اللى اغلبهم من غير عشا

نايمين

ويحمد ربه على اللى فيه



ترتفع اسعار وتلتهب

وأنت ولا على بالك

ما تتنهب



ترتفع ولا تتحرق

هى فين الفلوس اللى هتشترى



يا باشا

جيوبنا انضف من ضوافرك

خلينا بس نعيش من نبش حوافرك



نفسى

نفسى نقوم ونصحصح

نشوف الغلط ونصحح



لكن سوطك يا باشا بيعلم

على كتافنا يا بشر وبنتألم



لكن نخاف نقول الآه

يا باشا

لتتألم
Master.ms

هناك 5 تعليقات:

  1. نفسى
    نفسى نقوم ونصحصح
    نشوف الغلط ونصحح


    بجد ونفسنا كلنا

    تسلم ايدك يارب

    ردحذف
  2. والله كلنا نفسنا بس مش عارفه ليه لسه محبوسين بين الورق والقلم

    ردحذف
  3. أموله
    تسلمى يارب
    شكراً دائما لك

    ردحذف
  4. كلمات
    البشاوات حبسوا حتى الكلمة على الورق
    شكرا لتواجدك

    ردحذف
  5. زى ما المثل بيقول
    اللى ايده فى المية مش زى اللى ايده فى النار
    اكيد يامحمد لن يشعر بنا اى باشا من البشاوات دول
    لانهم مايعرفوش الجوع او يمكن عرفوه من زمان ونسيوه
    الباشا طول ماهو قاعد على الكرسى هيفضل باشا الى ان تنتهى صلاحيته وياتى لنا باشا جديد
    فعندنا زمن البشوات لم يولِ !!
    شكرا يامحمد على كلماتك الواقعية ...

    ردحذف

back to top