قصة طريفة ... آه والله
هحكى قصة طريفة حدثت معى
أسمعوا يا اسيادنا
بمروى بجوار أحد افران الخبز أملا فى الحصول على متطلباتى منه
وجدت زحام شديد ليس له مثيل
وقفت افكر فى الاقتحام ......
وقفت اضع خطط للدخول ........
طيب اذا دخلت .....
هل أأخذ معى الزاد والزواد لطول المدة
وهل استطيع التشابك بالايدى لكى تصل يدى للبائع بالنقود
طب افرض اننى والحمد لله وصلت نقودى للبائع .. هل اضمن ان الخبز سيصل لى قبل الاختطاف
واذا استطعت خطف حقى من الخبز .. هل استطيع الخروج به لبر الامان .
وقفت افكر وطال انتظارى لعله تحدث انفراجة لرمى نفسى بداخل المعمعة .
واذا بأحد معارفى يخرج من بين هذا الصراع وقد اختلفت ملامحه وتمزقت ملابسه وضاعت آثار انسانيته .. فوجد يدى تتسارع وتمسك يداه وتنتزعه كما تنتزع القابلة الوليد ...
وسلكت رأسه التى ظهرت ... وانتشلته ، نعم انتشلته ..
فما كان من الرجل إلا أن ينعم على بنصف ما خرج به من الدنيا واعطانى نصف ما اشتراه ..
ورفض رفضا قاطعا الحصول على ثمن الخبز . لماذا اخى وصديقى .
فرد يكفى انك ساعدتنى للخروج ...
تخيلوا جاملنى بنصف خبزة ردا لمساعدته
آآآآآآآآآآآآآآآآه كم انا سعيد
Mohamed Ashri
ههههههههه
ردحذفوالله راجل بيقدر
بصراحة الطوابير دى مظهر غير آدمى بالمرة
مابالك بانها تكون على الخبز!
قمة الحزن ..
يالا حلال عليك نص الطلبية يامحمد
بالهنا ...
ههههههههههه
ردحذففعلت خيرا فوجدت خيرا
مدونة راقية
تقديري
ههههههههههههه
ردحذفماشية معاك يا ماستر الحمد لله كنت هاتروح من غير ماتجيب
والله كارثة
الله المستعان
بدور
ردحذففعلا قمة الحزن
هذه قمة التراجيديا التى تجعلنى اضحك باكيا لحال الغلابة
شكرا لك
سهل وسهيلة
ردحذفمرة عليا ومره عليه ومن قدم السبت لقى الاحد
ههههههههههه
اكيد مرة هيعدى ويخلصنى
شكرا لتشريفى
سعيد بكما
أمل
ردحذفهو انا كنت اقدر ارّوح من غيرة
هههههههههه
ده انقذنى
يا الله
ردحذفشفت بقى عملت خير فوجدت خيرا
المهم العيش كويس والا مسامير وخشب؟
امبارح حاولت اعمل ساندويتشات للأولاد للمدرسة الرغيف الطويل المحترم أبو 35 قرش كان عايز جواهرجي علشان يتعامل معاه برفق ..اجي افتحه يتفتح من كل الاتجاهات ولا يصلح تحط فيه جبنه ولا حاجه نوهائيا حاولت معاه واتحايلت عليه في الآخر حطيت العيش كله في كيس للفراخ بتاعة الشغاله واديتهم فلوس يشتروا بيتزا من المدرسة ...
كلمات
ردحذفضحكت كثيرا من محاوله تعاملك مع الرغيف المحترم وعجبتنى فكرة الجواهرجى
كده نعين جواهرجى فى البيت لزم الساندوتشات
ههههههههههه
تحياتى