الأحد، 7 نوفمبر 2010

قصة طريفه .. آه والله




قصة طريفة ... آه والله


هحكى قصة طريفة حدثت معى
أسمعوا يا اسيادنا
بمروى بجوار أحد افران الخبز أملا فى الحصول على متطلباتى منه
وجدت زحام شديد ليس له مثيل
وقفت افكر فى الاقتحام ...... 
وقفت اضع خطط للدخول ........ 
طيب اذا دخلت .....
هل أأخذ معى الزاد والزواد لطول المدة
وهل استطيع التشابك بالايدى لكى تصل يدى للبائع بالنقود
طب افرض اننى والحمد لله وصلت نقودى للبائع .. هل اضمن ان الخبز سيصل لى قبل الاختطاف
واذا استطعت خطف حقى من الخبز .. هل استطيع الخروج به لبر الامان
وقفت افكر وطال انتظارى لعله تحدث انفراجة لرمى نفسى بداخل المعمعة
واذا بأحد معارفى يخرج من بين هذا الصراع وقد اختلفت ملامحه وتمزقت ملابسه وضاعت آثار انسانيته .. فوجد يدى تتسارع وتمسك يداه وتنتزعه كما تنتزع القابلة الوليد ...
وسلكت رأسه التى ظهرت ... وانتشلته ، نعم انتشلته .. 
فما كان من الرجل إلا أن ينعم على بنصف ما خرج به من الدنيا واعطانى نصف ما اشتراه ..
ورفض رفضا قاطعا الحصول على ثمن الخبز . لماذا اخى وصديقى
فرد يكفى انك ساعدتنى للخروج ... 
تخيلوا جاملنى بنصف خبزة ردا لمساعدته
آآآآآآآآآآآآآآآآه كم انا سعيد


 
Mohamed Ashri

هناك 8 تعليقات:

  1. ههههههههه
    والله راجل بيقدر
    بصراحة الطوابير دى مظهر غير آدمى بالمرة
    مابالك بانها تكون على الخبز!
    قمة الحزن ..
    يالا حلال عليك نص الطلبية يامحمد
    بالهنا ...

    ردحذف
  2. ههههههههههه

    فعلت خيرا فوجدت خيرا

    مدونة راقية

    تقديري

    ردحذف
  3. ههههههههههههه
    ماشية معاك يا ماستر الحمد لله كنت هاتروح من غير ماتجيب
    والله كارثة
    الله المستعان

    ردحذف
  4. بدور
    فعلا قمة الحزن
    هذه قمة التراجيديا التى تجعلنى اضحك باكيا لحال الغلابة
    شكرا لك

    ردحذف
  5. سهل وسهيلة
    مرة عليا ومره عليه ومن قدم السبت لقى الاحد
    ههههههههههه
    اكيد مرة هيعدى ويخلصنى
    شكرا لتشريفى
    سعيد بكما

    ردحذف
  6. أمل

    هو انا كنت اقدر ارّوح من غيرة
    هههههههههه
    ده انقذنى

    ردحذف
  7. يا الله

    شفت بقى عملت خير فوجدت خيرا

    المهم العيش كويس والا مسامير وخشب؟

    امبارح حاولت اعمل ساندويتشات للأولاد للمدرسة الرغيف الطويل المحترم أبو 35 قرش كان عايز جواهرجي علشان يتعامل معاه برفق ..اجي افتحه يتفتح من كل الاتجاهات ولا يصلح تحط فيه جبنه ولا حاجه نوهائيا حاولت معاه واتحايلت عليه في الآخر حطيت العيش كله في كيس للفراخ بتاعة الشغاله واديتهم فلوس يشتروا بيتزا من المدرسة ...

    ردحذف
  8. كلمات
    ضحكت كثيرا من محاوله تعاملك مع الرغيف المحترم وعجبتنى فكرة الجواهرجى
    كده نعين جواهرجى فى البيت لزم الساندوتشات
    ههههههههههه
    تحياتى

    ردحذف

back to top