محدش فيك يا بلد شبعان
الا القطط والكلاب
اكوام زباله زادت
للرقاب
والباشا يقول
ان الزباله
دى علامة
للغنى والثرا
معقول ثرا
والكلب والغلبان
بيتخانقوا
على لقمة عيش فى الاكوام
لا لا لا
خلينى فقير
بلاش اكون نايم
فى سرير من حرير
وبلاش اكون باكل
بمعالق من دهب ومن زفير
خلينى احس بس انى انسان
عزمك يا باشا على عشوة
ويايا
كسرة وحته جبن
من كيس اسود يسم الجن
انفض ترابها وقربها
لحنكك
كل ياباشا
متنكسفش
خلى نفسك كريمة
ومتتقرفش
ده عشا الستين
اللى فى المية من الستة وتمانين
اللى اغلبهم من غير عشا
نايمين
ويحمد ربه على اللى فيه
ترتفع اسعار وتلتهب
وأنت ولا على بالك
ما تتنهب
ترتفع ولا تتحرق
هى فين الفلوس اللى هتشترى
يا باشا
جيوبنا انضف من ضوافرك
خلينا بس نعيش من نبش حوافرك
نفسى
نفسى نقوم ونصحصح
نشوف الغلط ونصحح
لكن سوطك يا باشا بيعلم
على كتافنا يا بشر وبنتألم
لكن نخاف نقول الآه
يا باشا
لتتألم
Master.ms
نفسى
ردحذفنفسى نقوم ونصحصح
نشوف الغلط ونصحح
بجد ونفسنا كلنا
تسلم ايدك يارب
والله كلنا نفسنا بس مش عارفه ليه لسه محبوسين بين الورق والقلم
ردحذفأموله
ردحذفتسلمى يارب
شكراً دائما لك
كلمات
ردحذفالبشاوات حبسوا حتى الكلمة على الورق
شكرا لتواجدك
زى ما المثل بيقول
ردحذفاللى ايده فى المية مش زى اللى ايده فى النار
اكيد يامحمد لن يشعر بنا اى باشا من البشاوات دول
لانهم مايعرفوش الجوع او يمكن عرفوه من زمان ونسيوه
الباشا طول ماهو قاعد على الكرسى هيفضل باشا الى ان تنتهى صلاحيته وياتى لنا باشا جديد
فعندنا زمن البشوات لم يولِ !!
شكرا يامحمد على كلماتك الواقعية ...